သားသားမီးမီးလေးတွေကို အသက်အရွယ်အလိုက် ကျန်းမာရေးစစ်ဆေးပေးတာက မမြင်နိုင်တဲ့ ရောဂါတွေရဲ့ အန္တရာယ်တွေကို စောစီးစွာ ကြိုတင်ကာကွယ်နိုင်ပါတယ်။
မေမေဖေဖေတို့အနေနဲ့ သားသားမီးမီးလေးတွေကို အသက်အရွယ်အလိုက် ကျန်းမာရေးစောင့်ရှောက်ပေးဖို့ အရေးကြီးပါတယ်။ လူကြီးတွေ ကျန်းမာရေး မကြာခဏ ဆေးစစ်ပေးရသလို သားသားမီးမီးလေးတွေကိုလည်း စစ်ဆေးပေးရမှာပါ။ ဒီလိုဆေးစစ်ပေးတာက မမြင်နိုင်တဲ့ ရောဂါတွေရဲ့ အန္တရာယ်တွေကို စောစီးစွာ ကြိုတင်ကာကွယ်နိုင်ပါတယ်။ သားသားမီးမီးလေးတို့ရဲ့ အမြင်အာရုံ၊ အသားအရေ၊ တင်ပဆုံရိုးအနေအထား၊ ပျော်ရွင်ခြင်းရှိမရှိ စတာတွေကို ကြည့်ပြီး ခွဲခြားသိနိုင်ပါတယ်။ မွေးကင်းစကနေ အသက်(၃)နှစ်အတွင်းမှာ စုစုပေါင်း (၁၂)ကြိမ် စစ်ဆေးပေးသင့်ပါတယ်။ သားသားမီးမီးလေးတွေ မွေးဖွားပြီး အသက်(၃)ရက်ကနေ (၅)ရက် အတွင်းမှာ ပထမဆုံးအကြိမ် ဆေးစစ်သင့်ပါတယ်။ အသက်(၁)လ၊ (၂)လ၊ (၄)လ၊ (၆)လ၊ (၉)လ၊ (၁၂)လ၊ (၁၅)လ၊ (၁၈)လ၊ (၂၄)လ တို့မှာ ထပ်မံ ဆေးစစ်သင့်ပါတယ်။
လူကြီးတွေ ကျန်းမာရေး မကြာခဏ ဆေးစစ်ပေးရသလို သားသားမီးမီးလေးတွေကိုလည်း စစ်ဆေးပေးရမှာပါ (Photo by mymed)
ဆေးစစ်ပေးရခြင်းရဲ့ အကျိုးကျေးဇူးများ
- လက္ခဏာမပြသေးတဲ့ ရောဂါတွေကို စောစီးစွာ သိရှိစေနိုင်ပါတယ်။
- ကြီးထွားဖွံ့ဖြိုးမှု နှေးတဲ့ သားသားမီးမီးလေးတွေအတွက် လိုအပ်တဲ့ အကူအညီတွေ ရရှိစေပါတယ်။
- သားသားမီးမီးလေးတွေအတွက် လိုအပ်တဲ့ နည်းလမ်းတွေနဲ့ ဆောင်ရန်ရှောင်ရန်တွေကိုလည်း သိလာစေပါတယ်။
သားသားမီးမီးလေးတွေကို အသက်အရွယ်အလိုက် ကာကွယ်ဆေး ထိုးပေးဖို့ပါ (Photo by FirstCry Parenting)
ကျန်းမာရေးစစ်ဆေးမှု ပြုလုပ်နေတဲ့အချိန်မှာ
- သားသားမီးမီးလေးတို့ရဲ့ ကိုယ်အလေးချိန်၊ အရပ်တို့ကို စစ်ဆေးခြင်း
- ဦးခေါင်းအလုံးပတ်ကို တိုင်းတာခြင်း
- သားသားမီးမီးလေးတွေအတွက် လိုအပ်တဲ့ ကာကွယ်ဆေးထိုးပေးခြင်း
- ဖွံ့ဖြိုးတိုးတက်မှုနဲ့ စိတ်ခံစားချက်အပြုအမူတွေကို စစ်ဆေးခြင်း
- အစားအစာတွေနဲ့ ပတ်သက်ပြီးဆွေးနွေးခြင်းနဲ့
- အမေးအဖြေပြုလုပ်ခြင်း၊ အပြန်အလှန်ဆွေးနွေးခြင်း တို့ကို အဓိကထား စစ်ဆေးပေးကြပါတယ်။
သတိထားရမှာက
မေမေဖေဖေတို့ သတိထားရမှာက သားသားမီးမီးလေးတွေကို အသက်အရွယ်အလိုက် ကာကွယ်ဆေး ထိုးပေးဖို့ပါ။ နို့လုံလုံလောက်လောက်စို့ခြင်း ရှိမရှိ၊ သွေးအားနည်းရောဂါနဲ့ အသည်းရောင်အသားဝါရောဂါနဲ့ တခြားရောဂါတွေကို စစ်ဆေးပေးရပါမယ်။ အသက်အရွယ်လိုက် ကာကွယ်ဆေး ပုံမှန်ထိုးပေးတာနဲ့ ဆေးပုံမှန်စစ်ဆေးပေးတာက သားသားမီးမီးလေးတွေကို ကျန်းမာသန်စွမ်းစေပြီး ဥာဏ်ရည်မြင့်မားတဲ့ ကလေးတစ်ယောက် ဖြစ်လာစေနိုင်ကြောင်းကို Kalay ကနေ ပြောပြပေးလိုက်ပါတယ်။
No comments:
Post a Comment